қарулы күштердің құрылысының негізгі бағыттары

Қазақстан Республикасындағы әскери құрылыстың басты мақсаты мемлекеттің өмірлік маңызды ұлттық мүдделерін қазіргі сәттегі және ықтимал соғыс қатерінен қорғауды қамтамасыз етуге қабілетті, жақсы жарақталған, аса ұтқыр Қарулы Күштер құру болып табылады. Оның негізгі принциптері:

– Қарулы Күштердің, басқа да әскерлер мен әскери құрылымдардың қызметіне пәрменді азаматтық бақылауды дара басшылық жасау принципімен және әскерлерді басқаруды орталықтандырумен үйлесімді жетілдіру; – әскерлердің (күштердің) ұйымдық құрылымының, жауынгерлік құрамы мен санының ықтимал соғыс қатерлеріне, Қарулы Күштерге жүктелген міндеттерге, сондай-ақ мемлекеттің экономикалық мүмкіндіктеріне сәй-кестігі; – жауынгерлік және жұмылдыру даярлығын мемлекеттің әскери қауіпсіздігін қамтамасыз ететін деңгейде ұстау; – соғыс қатері ұлғайған кезде жауынгерлік қуатты сайма-сай арттыруға қабілеттілік, жұмылдыру резервін күн ілгері даярлау; – жалпы азаматтық құқықтар мен бостандықтарды сақтау, әскери қызметтің ерекшеліктеріне сәйкес әскери қызметшілердің әлеуметтік қорғалуын қамтамасыз ету; – әскери құрылыстың әлемдік тәжірибесін ескеру болып табылады. Қазақстан Республикасы Қарулы Күштерінің, басқа да әскерлері мен әскери құрылымдарының құрылысы мен дамуы мемлекеттік бағдарламаларға және жоспарларға сәйкес жүзеге асырылады.